--------------------------------------------------
நீ
அடிக்கடி
என்னைப் பார்க்கிறாய்,
அடிக்கடி
நேரம் பார்க்கிறாய்,
என் இதயம்
ஒரு நொடி நின்றபின்பு
துடிக்கத் தொடங்குகிறது,
உன் கடிகாரம்
சில நொடிகள் தாமதமாய்
ஓடுகின்ற
காரணம் புரிகிறது.
웃
என்
இதயத்திலும்
நான்கு குறு அறைகள் உண்டு.
நான்கிலும்
கணினிக்கு பதிலாய்
கனி நீ.
웃
நீ தட்டும் போது மட்டும்
இசைப்பலகையாய்
மாறிவிடுகிறது,
விசைப்பலகை.
웃
உன்னால் மட்டும் தான்
இப்படி
தினமும்
ஒரே சொல்லில்
கவிதை எழுதிச் செல்ல முடியும்.
வருகைப் பதிவேட்டில்
கையொப்பம்.
웃
தேநீர் இடைவேளைகளில்,
உன் கோப்பையிலிருந்து
தேநீர் பருகும்
உதடு.
உன் உதட்டிலிருந்து
தேநீர் பருகும்
கோப்பை.
------------------------------------------------