பாத்திரங்கள்..

.........................................................................................................

பாத்திரங்களையெல்லாம்

சுத்தம் செய்து வைக்கும்

பாத்திரமாக

அக்கா ..

சாப்பிட்ட பாத்திரங்களைக் கூட

கழுவாமல்

அப்படியே எறிந்துவிட்டுச்

செல்லும் பாத்திரம்

நான்...

எவ்வளவு கஷ்டத்திலும்

வீட்டுப் பாத்திரங்களில்

உணவுக்கு குறை இன்றி

குடும்பத்தை காக்கும்

பாத்திரமாய் அப்பா...

மழை வரும் போது

வீட்டில் ஒழுகும் இடங்களில்

ஓடிச் சென்று

பாத்திரங்களை வைக்கும்

பாத்திரம்

அம்மா ...

........................................................................................................

குறுந்தகட்டுக்கிறுக்கல்கள்-5

Thanks to flickr.com

~~~~~~~~~~~~~~~~~~~~~~~~~~~~~~~~~~~~~~~~~~~

கடைசி நேரத்தில் வந்து

காற்றில் வரைந்து

சொல்லிவிட்டுப் போனாய்.

பிளெமிங் இடக்கை மற்று வலக்கை

விதிகளை..

நானும்

நீ சொன்னதை

பிழையின்றித் தேர்வில்

எழுதி விட்டு வந்தேன்..

இடக்கை விதியை

வலக்கை விதி என்றும்

வலக்கை விதியை

இடக்கை விதி என்றும்

~~~~~~~~~~~~~~~~~~~~~~~~~~~~~~~~~~~~~~~~~~~

முகநக நட்பாம்...

___________________________________________________________________

வீட்டில் பணத்தைத் திருடியதால்

தன்னோடு யாரும்

முகம் கொடுத்துப் பேசுவதில்லை

என்பதை தலைகுனிந்து,

கண்கள் குளமாக

அவனிடம் சொல்லிகொண்டிருந்தான் ...

இவன் ,

இடக்கை

அவனை அறியாமல்

இவனைத் தேற்றியது...

வலக்கை

இவன் அறியாமல்

சட்டைப்பை பணத்தை

தொட்டுப் பார்த்தது ..

___________________________________________________________________